أناقةنصائح وإرشادات
أخر الأخبار

ازاي تحافظ علي ملابسك الخاصة كأنها جديدة

ازاي تحافظ علي ملابسك الخاصة كأنها جديدة

ازاي تحافظ علي ملابسك كأنها جديدة؟

اكيد سألت السؤال ده لنفسك كتير والنهاردة هنجاوب عليه سوا…

كتير مننا كرجالة بيعتمد اعتماد كلي علي شريكة حياتنا أو امهاتنا انهم ينسقوا الدولاب ويرتبوه ، ويغسلوا الهدوم ويقوموا بكويها كمان، ده اللي احنا متعودين عليه ( انا اولكم طبعاً 😀 )

بس بعد ما بقي فيه حجر الصحي بقي فيه ملل وفيه طاقة محتاجين نستغلها صح، ومن الضروري كرجالة نتعلم نعتمد علي نفسنا في كل شئ مجربنهوش قبل كده، زي ازاي نهتم بالملابس عشان نقدر نحافظ عليها لأطول فترة ممكنة وتفضل جديدة لأطول مدة.

عشان كده هقولك انهاردة شوية طرق بسيطة عشان تقدر تحافظ علي هدومك لأطول فترة ممكنة وتفضل جديدة معاك لمدة طويلة، كل اللي عليك انك تطبق وتجرب اللي هتقراه.

1- التعليمات اللي موجودة علي الملابس مهمة ( متهملهاش ) :

مستحيل تكون في يوم من الايام مأهملتش التعليمات اللي بتشوفها في الهدوم من المصنع أو البراند المُصنع للهدوم، واللي بيكون مكتوب فيها تعليمات الكَوي والتنظيف، وايه هي نوع الخامة اللي مصنوع منها الملابس ونسبة القطن فيها كام؟!

وده بيساعدك اكيد انك تعرف درجة حرارة الماء المناسبة عند الغسيل عشان القطعة متكشش أو تبعت الوانها أو غيره من المشاكل اللي ممكن تحصل للقماش.

بس طالما اغلبنا يعتبر عنده غسالة اوتوماتيك فا غالباً بتكون المشكلة دي محلولة بنسبة 95%، وعشان كده ندخل في النقطة التانية.

2- اهتم بمنظف الملابس:

لازم تكون عارف معلومه بسيطة بس مهمة وهي أن منظف الملابس أو مسحوق الغسيل يعتبر من العوامل الأساسية اللي بتحافظ علي نسيج القماش ومتانته لأطول فترة ممكنة.

عشان كده من أهم القواعد اللي لازم تركز عليها أنك تشتري مسحوق ملابس يكون نضيف وبيحافظ علي نسيج القماش ومجربه قبل كده وشغال معاك كويس عشان هدومك تعيش معاك اطول فترة ممكن مش بعد غسلتين تكش والوانها تروح بسبب مسحوق الغسيل!

اختر منظف جودته عالية ويكون متخصص للغسالات الأوتوماتيك وابعد عن الأنواع الردئية من المنظفات اللي ممكن تجيب معاك نتائج عكسية مش مرغوب فيها وممكن تتلف هدومك!

3- اهتم بطريقة تخزين هدومك:

من الغلطات الشائعة اللي كتير مننا بيعملها لما بنخزن هدوم الصيف أو الشتا بين المواسم المختلفة اننا مش بنضع مواد تحفظ الملابس، وده ممكن يؤدي للعفن وتلف الهدوم لما تتساب فترة طويلة طول الموسم وترجع تلبسها الموسم اللي بعده.

ممكن نلاقي حشرات صغيرة اتجمعت بداخل الهدوم أو القماش تلف وعفن وغيره من المشكلات اللي ممكن نقابلها لو محفظناش علي الهدوم طول المدة دي.

عشان كده مهم جداً اننا نضع اشياء مضادة لتلف الهدوم وتجمع الحشرات زي حبوب النفتالين داخل قطعة قماش ولفها جيداً ووضعها مع الملابس، ولازم كمان تتأكد أن مكان تخرين الهدوم بعيد عن الرطوبة أو التراب، وطبعاً مش هوصيك انك لازم تكون غاسل الهدوم كويس قبل ما تجمعها مع بعض في مكان واحد مقفول.

الوسوم
اظهر المزيد

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق