العناية بالرجل
أخر الأخبار

ازاي تحافظ على رائحة عطرك لأطول مدة ممكنة؟ اكتشف سر الثبات

حافظ على رائحة عطرك لأطول مدة ممكنة

ازاي تحافظ على رائحة عطرك أطول مدة ممكنة؟

كتير من الرجال رائحة عطرهم دائماً ثابته وذكية طول اليوم، مهما كان اليوم مرهق أو طويل ، ومش بيحتاجوا أنهم يرشوا العطر أكتر من مرة حتي يحصلوا علي الثبات المناسب طوال اليوم، سواء في مكان عملهم أو في أي أماكن أخري ، الرائحة دائماً موجودة لا تتغير.

ولما بتحاول تقلدهم وتحط نفس العطر ونفس النوع والتركيز وترش أكتر من مرة طوال اليوم ولكن مفيش أي فايدة ولا نتائج، عشان كده انهاردة هنقولك سر البسيط وراء ثبات وتركيز العطر لأطول مدة ممكنة.

أولاً : امتا بيتم رش العطر؟

 

ناس كتير بتعتقد أن رش العطور فوق الملابس والخروج بسرعة هيساعد علي ثبات العطر لأطول مدة ممكنة، بس خلينا اقولك ان للأسف ده غلط جداً ، عشان تقدر تحافظ علي رائحة عطرك لأطول مدة ممكنة ، لازم تعرف امتا وازاي بيتم رش ودي الطريقة:

  • أولاً : قُم بالاستحمام وبعد خروجك من دُش منعش ولذيذ نشف نفسك بالفوطة كويس جداً ، وابدأ برش العطر مباشرة علي بشرتك وهي نضيفة وناشفة، ايه اللي بيحصل هنا بقي ؟ بيبدأ جسمك يمتص رائحة العطر داخل الجلد وتفضل رائحة جسمك برائحة العطر لأطول مدة ممكنة.
  • رش العطر لازم يكون علي مسافة من 10 لـ 15 سم من بشرة جسمك مباشرة ( يعني مش قريبة أوي ولا بعيدة أوي ) ، لازم وانت بترش رزاز العطر يتوزع علي بشرة جسمك مباشرة.
  • عشان يفضل العطر فواح يجب رشه على مناطق جسمك اللي فيها نبض زي:
  1. مابين عضلة صدرك.
  2. تحت تفاحة آدم (أسفل الحنجرة).
  3. عضلة الساعد ( اعلي كف ايدك ).
  4. منتصف كوعك من الداخل.
  • لا تعطر المناطق دي كلها مرة واحدة، خليك في منطقتين أو تلاتة بس كفاية في كل مرة.
  • لو عندك مرطب، قم بوضعه في مناطق وضع العطر قبل الرش، هيثبت معاك الرائحة بشكل اكبر، لو معندكش مش مشكلة.

ازاي تحافظ على رائحة عطرك

ثانياً: ما هي الأماكن الأفضل لتخزين العطول:

 

أفضل شئ ببساطة عشان مطولش عليك، لا تخزن عطرك في أماكن رطبة وحارة وبالذات في الصيف خلي بالك كويس جداً ، عشان كده لا تترك عطرك في حمام منزلك أو في السيارة أو في مكان درجة الحرارة فيه ممكن تكون عالية.

لازم يكون في مكان بارد وبعيد عن أشعة الشمس، ممكن أوضة نومك ولكن بشرط ان ميكونش تركيز الشمس فيها قوي أو درجة حرارتها عالية.

ثالثاً: لا تقوم بفرك مناطق النبض بعد وضعك للعطر:

 

أغلبنا بعد ما يحط العطر بيملس بأيده واوقات كتير بنفرك جامد العطر عشان نمسحه في كل حتة في جسمنا وده من أكبر الغلطات اللي ممكن تعملها مع عطرك.

لأن ببساطة العطر مكوناته ثابته ومركبة عشان تديك الرائحة اللي انت بتشوفها دي، انت لما بتفرك العطر بأيدك بيحصل تكسير لمكونات العطر وبتضعف ريحته،

والحل ايه؟ انك بعد ما ترش العطر علي أماكن النبض اللي ذكرناها فوق، تسيبه ينشف خالص ويختلط ببشرتك ودرجة حرارة جسمك براحته.

 

الوسوم
اظهر المزيد
زر الذهاب إلى الأعلى
إغلاق