موضة
أخر الأخبار

أفضل 10 موديلات وألوان للقميص لصيف 2020

تشكيلة متنوعة من قمصان صيف 2020

أفضل 10 موديلات وألوان للقميص لصيف 2020

أفضل 10 موديلات وألوان للقميص لصيف 2020

كتير مننا بيحب الشتا أكتر من الصيف عشان دايماً بنبقي شايفين الشتا ممكن لبسنا يبقي أشيك، احنا بنتفق معاك تماماً.

ولكن مش معني كده ان الصيف مينفعش نكون فيه بنفس أناقة الشتاء، ومن أهم الملابس والموديلات اللي ممكن تكون أكتر أناقة فيها هي موديلات القميص بأنواعها.

عشان كده جبنالكم انهاردة تشكيلة بسيطة من أفضل 10 ستايلات للـ قميص الصيفي الرجالي.

 

قميص أبيض رجالي سادة
قميص أبيض رجالي ساده

1-قميص أبيض ساده:

من الحاجات الأساسية اللي لازم تكون في دولابك سواء كان نص كُم أو بكُم ومن أحسن الاستايلات انه يكون نص ياقة زي الصورة اللي فوق.

وطبعاً مش هوصيك علي الكوتشي انه يكون أبيض أو جزمة سودا لو بتحب الجزم أكتر.

 

 

قميص مخطط سادة
قميص مخطط ساده

2- قميص مخطط ساده:

من القمصان الأنيقة جداً لما بتتلبس ببساطة، ولكن يستحسن يكون جسمك كويس ومتناسق عشان يليق عليك أكتر.

قميص به رسومات
قميص به رسومات

3- قميص به رسومات:

لو بتحب الاختلاف والتغير ومش بتحب القمصان الساده يبقي عليك وعلي القميص اللي علي رسومات ولكن متكونش تقيلة اوي.

يعني حاول تخفف رسومات بقدر الإمكان بحيث انه يكون بسيط في نفس الوقت.

 

قميص اصفر ساده
قميص اصفر ساده

4- قميص أصفر ساده

اللون الأصفر من الألوان المبهجة جداً في اللبس وبالذات في القمصان، ولكن خد بالك من أن اللون يكون فاتح أوي، اللون الهادي هيكون أفضل بكتير.

 

قميص كحلي ساده
قميص كحلي ساده

5- قميص كحلي ساده:

القميص الكحلي الساده من الألوان المحببة لناس كتير ولكن في الصيف يستحسن تلبسه نص كُم عشان ميكونش تقيل، أو يبقي بكُم ولكن خفيف في القماش.

قميص نبيتي ساده
قميص نبيتي ساده

6- قميص نبيتي ساده:

من أرقي الالوان في اللبس وأكثرهم أناقة، لو بتحب اللون ده في الطبيعي يبقي خليه أول اولوياتك في اللبس.

قميص مخطط نص كُم
قميص مخطط نص كُم

7- قميص مخطط نص كُم:

ولكن بثلاثة ألون مختلفة، وشكل مختلف في اللبس وأفضل لو حبيت تغير من ستايلك في أي وقت من الأوقات.

أفضل 10 موديلات وألوان للقميص

قميص منقط نص كُم
قميص منقط نص كُم

8- قميص منقط نص كُم:

من القصمان الغير متداولة بكثرة ولكنه شكله مختلف وحلو جداً في اللبس وجذاب بشكل كبير.

ولكن خليك في اللونين الأبيض والأسود هيكون أفضل من اي الوان تانية مع بعض بدون تناسق.

قميص أسود ساده
قميص أسود ساده

9- قميص أسود ساده:

ملك الألوان وهو الأسود، يعتبر زي الأبيض ومن القطع الأساسية اللي تكون في دولابك.

ولكن خلي بالك من الأسود لو جسمك رفيع عشان بيدي إيحاء انك أرفع، ولكن لو جسمك عريض هيبقي شكله جذاب جداً عليك.

ولو جسمك مش عريض ومتوسط يبقي الأبيض هيكون أنسب بكتير عشان الأبيض بيدي إيحاء بأنك عريض أكتر من الأسود.

أفضل 10 موديلات وألوان للقميص

قميص كاروهات بسيط
قميص كاروهات بسيط

10- قميص كاروهات:

وأخيراً القميص الكاروهات الكحلي ولكن بسيط بشكل محبوب اكتر، علي حسب ذوقك وشخصيتك، وبيعتبر من القمصان القوية في اللبس واللي بتليق علي بنطلونات وجزم كتير.

في النهاية مش مهم هتختار ايه أو ايه أكتر حاجة عجباك في دول المهم انك تكون مقتنع 100% ان اللبس اللي انت لابسه مريحك ومبسوط بغض النظر عن رأي الناس فيك، لأن ده يعتبر حاجة ثانوية بعد رأيك انت.

الوسوم
اظهر المزيد

تعليق واحد

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق